Food Oriental (已結業)

之前上網見到關於尼間餐廳嘅評價唔錯，所以放假特登走來試試餐廳位於灣仔小巷中，唔算難搵，但餐廳位置唔多，應該主要做外賣生意。一來到當然要試下招牌海南雞飯，跟餐附送椰子雞湯。雞湯好香椰子味，並且無味精。海南雞飯，雞肉好嫩，油飯都好香。不過唔知係咪器皿問題，總覺得啲飯餸好快凍。印尼炒飯有埋串燒同蝦片。睇飯嘅顔色會以為同海南雞飯味道一樣，其實係唔同🤣。不過啲綠豆唔知係咪雪凍嘅關係，味道有點不太融入。蝦多士炸得好脆，仲要係新鮮熱炸值得一試。如果係附近返工，尼間餐廳絕對可以係lunch 嘅一個好選擇。不過相信繁忙時間唯有外賣先可以食到。