八一蕃巴蜀烤魚店 (砵蘭街) (已結業)

到周末約左一班好友，朋友介紹左依間位於太子嘅烤魚小店《八一蕃巴蜀烤魚店 》。小店冇華麗嘅裝潢，但係嚟到嘅都係熟客，見到店員記得哂顧客嘅喜好，有一種莫名嘅親切感。店鋪主打巴蜀烤魚，首先從三款魚類選取其一款：草鯇魚、魽魚、海鱸魚。我就揀左海鱸魚。第二步驟就係選擇辣度，唔係好食得辣嘅我就揀左少辣。店員話我知佢地嘅烤魚係即燒，叫我耐心等候。好快店員就送上烤魚，烤魚面頭有滿滿嘅辣椒和辣椒油，遠遠地已經聞到辣香。可以見到魚皮都燒到香脆，煮一陣已經吸收晒辣汁。魚皮底下係雪白嘅魚肉，魚刺亦都唔多，非常嫩滑。另外亦都可以加配配料，如蔬菜、粉麵都一應俱全，質素同埋性價比都好高。八一蕃巴蜀烤魚店 (砵蘭街) (太子)太子砵蘭街436號地舖