鵞莊燒鵝工房 (已結業)

之前食過幾次呢間外賣燒味店，貪佢現場即燒夠晒新鮮。今次傍晚五點幾嚟到，燒鵝幾乎賣晒，一於試埋佢哋嘅叉燒。不過佢哋可以用WhatsApp落單再約時間攞。🥢燒鵝拼叉燒燒鵝水準穩定，最出色係燒鵝皮，每次都係香脆又唔燶，火候控制得好好。鵝肉比較薄，一啲都唔嚡。只係今次燒鵝汁冇分開上，不過即晚食晒唔會太鹹。叉燒肥瘦相間，質地出奇地爽口。顏色均勻有光澤，冇平時叉燒常見嘅燶邊。整體來講味道唔錯，最緊要質素穩定，都係區內加餸嘅好選擇。