亞蘇爾 (形點) (已結業)

今晚一行6人去元朗Yoho新開既餐廳食生日飯，因為出面比較少見葡國菜餐廳，所以今晚特登黎一試。我地食6點，用餐時間有90分鐘都夠時間食既，上菜速度都算快，但唔會一次過上晒啲菜俾你。值得推介嘅係白酒煮蜆，佢襯肉大大隻又鮮甜，連個湯都好好飲，有淡淡牛油、白酒同鮮甜嘅味道。另外推介嘅煙燻豬手，上菜時會用個蓋蓋住，點火，等到入面充滿晒煙嘅時候先打開蓋，成隻豬手都會有香香嘅煙熏味。豬手juicy, 豬皮脆脆，咸度適中，我暫時食過最好食嘅豬手。葡撻偏油，但味道ok。其他菜都好味。