敏華冰廳 (新都會廣場)

營業中

休息中

之前喺第二間分店已經想試，但由於見到太多人排隊既關係，所以放棄左。今日喺葵芳新都會行街，咁岩見到佢已經開左新分店，所以就決定再試一試佢。由於之前掃左街既關係，唔係好肚餓，所以近21:00先入去食。本身想叫豬潤牛肉米同沙嗲牛麵食，但全部都冇晒😓，唯有叫其他啦。叫左周星馳的黯然銷魂飯😂。一上台，見到兩個大大的煎蛋遮住左叉燒😅。由於我覺得主角係叉燒，所以試左叉燒先，一食，果然好味，唔識形容，個汁好味，令到我好想食啲飯。個汁同平時食叉燒飯既汁好唔同，好好味。仲叫左個腸仔炒蛋多士，呢個就普通，因為冇推介[👍🏻］符號，所以都冇咩大期望。但炒蛋竟然有驚喜，食落好滑，幾好味。再睇清楚啲，原來係俾得油多，所以滑。感覺好邪惡，因為真係好多油😨。總括而言，暗然銷魂飯值得一試，好好味。