阿佳拌麵

營業中

休息中

之前見到呢間店嘅食評同招牌拌麵嘅相片，已經有啲心思思，估唔到細妹今日竟然買咗兜外賣俾我！望落個盒扁扁矮矮，點知原來份量唔少，啲麵塞到好實，全盒麵賣相好靚亦豐富！百頁豆腐煙靭彈牙、酸蘿蔔酸甜爽脆、肉燥全屬瘦肉、溏心蛋篤開有蛋白蛋黃一齊流出，加埋粗油麵，我加咗甜醬，連埋本身啲汁同蛋白蛋黃撈埋一堆，超入味，超美味！啲麵質感好好，軟硬適中，沾滿汁好入味，只係放凍咗有啲黐埋一舊！一啖餸一啖麵一啖茶，好快就將成盒麵消滅咗！好飽！好味！好滿足！