旺記冰室 (大本型) (已結業)

今日放工後，約咗朋友喺大本型食飯，因為早到咗半個鐘，所以喺附近行吓先。朋友到咗後，我哋決定去3樓美食廣場，行咗一個圈之後，最後決定去旺記冰室開餐，因為有好多人幫襯，同埋Openrice 度好似好評如潮。走進來一看，環境舒適而且非常非常乾淨，卡位看上去好有懷舊feel，係典型的冰室，諗返細個時阿媽帶我地去冰室食雞髀紅豆冰所以覺得呢度好有親切感。最鍾意就係個餐牌，睇圖就可以好快知道自己想食乜，最後我哋揀咗叉燒滑蛋飯，加杯凍檬茶，一共$58,價錢尚可，無話特別平或者特別貴，但勝在佢份量唔少，如果係比較細食嘅女仔，應該可以兩個人一齊share。滑蛋叉燒飯d蛋好滑好嫩，啲叉燒都幾瘦，同埋佢嗰豉油幾好食，送飯好正，覺得下次可以再嚟試一試佢個豬潤通粉。