龍門冰室 (已結業)

星期日的朦仔依然耐不住寂寞，出街食好西，同友人相約到屯門附近周圍行行，第一站就係龍門，事緣有朋友特意推介依度有間龍門冰室，身處食街中心的龍門冰室，一來已經門口排著少少人，但係好快就到我地，朦仔的心情十分激動，聞到好香的雞翼味道，一問店員先知道係蜜糖雞翼二話不說，坐低睇下菜單先，出乎意料地，菜單十分精美，菜式都好多元化，適合唔同人士，睇番午餐推介，有個特別推介，咖喱牛腩配飯/撈丁/意粉，朦仔選左撈丁，同蜜糖雞翼，飲品我當然係食下特飲雪糕紅豆冰，可以有朱古力同香草兩種口味雪糕選擇（選擇了香草雪糕）！餐廳的環境好舒服，雖然人來人往，不過十分寧靜，裝修設計好摩登，有點鬧市中的綠洲的感覺！雪糕紅豆冰十分精美，紅豆相當足夠，對於紅豆控的朦仔來說是好吸睛的一口紅豆冰加一啖雪糕，好有身處冰天雪地的情境，一股涼意由口部直達到心！等左一陣之後我的咖喱牛腩撈丁就已經到了，咖喱牛腩的色澤好漂亮，仲有少量嘅新鮮沙律菜做伴碟，方便食完濃味咖喱之後，可以作為一個平衡味覺之用，10分有心思份量很足夠，龍門冰室真係值得一推！