影片
更多
2018-12-15
1311 瀏覽
秋風起又係食蛇羹嘅日子， 每年呢啲日子，我哋一家又會去到康樂茶餐廳食蛇宴呢度麻雀雖小五臟俱全， 大約只容納到兩枱大 + 三枱小， 地方唔算大， 食蛇宴要預先一至兩日訂位（因為師傅要用雞煮湯底）第一味上就係蛇羹， 材料足，湯底夠鮮又好味，食完唔確喉，份量足够10人食两碗!再來就係羊腩煲，味道夠濃又足料， 附送一碟唐生菜，另自備咗唐蒿菜，冇得輸 豉汁蒸大鱔又係一個精髓， 又新鮮又肥又大碟， 整整有一條， 味道一流， 食多幾舊都唔覺膩，正！然後係糯米飯， 炒得乾身， 臘味同飯嘅比例不錯食到咁上下，上埋個竹絲雞燉蛇， 呢個湯真係冇得頂，我飲咗三大碗， 鮮味喺個口裏面久久不散，必食！ 老闆娘親切又殷勤，滿足的一晚！！！！如果唔想食餐，可以喺預訂時同佢講散叫， 預先同佢講你想要食啲乜嘢， 畀時間師傅預備就可以了
呢度麻雀雖小五臟俱全， 大約只容納到兩枱大 + 三枱小， 地方唔算大， 食蛇宴要預先一至兩日訂位（因為師傅要用雞煮湯底）
第一味上就係蛇羹， 材料足，湯底夠鮮又好味，食完唔確喉，份量足够10人食两碗!
再來就係羊腩煲，味道夠濃又足料， 附送一碟唐生菜，另自備咗唐蒿菜，冇得輸
豉汁蒸大鱔又係一個精髓， 又新鮮又肥又大碟， 整整有一條， 味道一流， 食多幾舊都唔覺膩，正！
然後係糯米飯， 炒得乾身， 臘味同飯嘅比例不錯
食到咁上下，上埋個竹絲雞燉蛇， 呢個湯真係冇得頂，我飲咗三大碗， 鮮味喺個口裏面久久不散，必食！
老闆娘親切又殷勤，滿足的一晚！！！！
如果唔想食餐，可以喺預訂時同佢講散叫， 預先同佢講你想要食啲乜嘢， 畀時間師傅預備就可以了
張貼
