鳴橋燒肉料理 (已結業)

星期日係旺角行左成日街，已經肚餓到不得了，睇openrice附近有間食燒肉放題，好評如潮，價錢都合理，就去大食一餐去到門口“和”味十足，門口有兩個大燈籠寫住居酒屋同平時放題一樣，都有剔剔紙比你選擇食物，食物種類不算太多大概有一百款左右，實行貴精不貴多而為免經常換爐及方便，餐廳係每個爐上都放上紙隔一隔，食得健康d，冇咁易燶係度叫食物有樣野值得讚，永無漏單及足食物數量大蝦係放題中，係度食到既蝦都算大隻，燒既時候蝦頭同身都係連係一齊，証明係新鮮，係燒既過程中傳出陣陣鮮味，令人食指大動，蝦身好爽口彈牙，正！一口牛肉粒牛肉粒大細岩岩好，放係爐上面燒大概一分鐘就食得，外層燒到有點焦香，咬入去時有小小粉色，肉汁鎖實哂係中間，肉汁咇哂出黎！炸天婦羅可以話係餐廳得意之作，以前出面食炸天婦羅必定會覺得好油膩，食一件就已經好夠，但今次餐廳真係即叫即炸，炸粉夠薄，食落口好脆，食到蔬菜既原味之餘，又不覺得膩炸蝦足足有我隻中指咁長！係餐廳有個傳統就係結帳前（即last order）會將三條魚放係你面前，相當有趣