阿肥火鍋 (已結業)

今日有野要去尖沙咀買，一放工就趕出去尖沙咀等女友...結果佢又遲到😭。天氣開始涼，就去食打邊爐。椒鹽豬肚雞煲個煲都好入味，女友話個豬肚好好味，而我個人就鍾意食個雞，雖然話煲左好耐，但隻雞仲好滑，仲要好重胡椒味，正...豆卜釀魚肉都鮮蝦松露餃女友話想試試，起初都諗住當雲吞咁食，但食入口好香，而且蝦又好爽，我個人推薦一定要食。白鱔片薄薄的一片，一入鍋過一陣就即刻食得，不過相對多骨少少，但都好好味花甲侍應話海鮮好新鮮，所以就叫左。我同女友見住隻花甲仲開口呼吸，果然新鮮，而且都算大隻。公雞碗四寶丸每種丸都有兩粒，剛好可以同女友每人一粒，而且每粒都好有咬口，個人最愛食墨魚丸😆所有食材都好新鮮好好味，如果再黎我可能會叫多少少海鮮試試。