天鳥居酒屋

營業中

休息中

呢間居酒屋好有日本感覺，坐位好闊落，2個人食火鍋放題夠哂位放野食。今日揀左五花豚肉火鍋放題，除左可以火鍋之外仲可以食放題，真係幾特別又多野選擇。揀左胡椒豬骨鍋，湯底好濃郁，滿滿胡椒味，好足料，令每樣配料吸哂湯汁，好入味。火鍋配料好新鮮菜嘅選擇亦都好多，連羽衣甘藍都有。炸物全部都即叫即炸熱啦啦好好味，黑松露蝦片嘅黑松露醬好好食點炸物更好食。日式小食同手捲都好新鮮，仲有芥末八爪魚唔係度度有得食幾特別，全部嘢味道都唔錯。下次再嚟要試下佢嘅牛套餐，見到隔離枱食全部都係靚牛。