小火焰韓式咖啡廳 (金山樓) (已結業)

美食令人無法抗拒🫶🏻今次終於食韓國菜啦！首當其衝最喜愛的係小火焰既大醬海鮮粉絲鍋，佢地既用料好豐富，海蝦大大隻啖啖肉，而粉絲都好入味，加小小湯底飲，簡直係一流啊！之後最吸晴既仲有佢地既韓式板燒烤肉combo，有時係屋企煮野食會搞到油淋淋，出去食燒肉就唔洗自己洗🤣一塊塊比你自助燒，而且肉質都唔差，容易咬開。仲有佢地既飲品都一樣咁韓，大大枝apple juice 加上梳打，好岩想打卡既人士。最後，仲有兩款雞，愛雞人士必食酥脆蘑菇雞翼，佢係有小小釀雞翼嘅概念，包住啲蘑菇粒係雞翼到，所以口感好好，好好食🤤 仲有炸雞🍗 配上芒果沙律，會俾人感覺冇咁熱氣同健康小小。總括黎講，每一道餸都好啱我地口味，有興趣嘅朋友可以試一試。