Triple O's by White Spot (已結業)

有一日黎左3個o食飯，都有段時間無黎過啦。今日唔食牛肉漢堡，反而想試下個魚堡。好似幾好食咁。魚堡一睇就知新鮮炸既，真係好正。個魚係整得好脆口，而且好有魚味。炸粉又唔算太厚，啖啖肉既魚堡。加埋個檸檬汁，認真一流。薯條係厚切薯條黎架，味道唔錯。好有薯仔味，唔似得某快餐店整得咁難食。藍莓奶昔幾好飲架，好重藍莓味。又唔算太甜既，不過飲完好有罪惡感。雖然係幾貴，不過一次半次放縱下都可以既。