港飲港食 (已結業)

今日午餐去左港飲港食食丫~係觀塘工業區黎講,呢度算係貴價茶餐廳黎啦~不過間唔中食一次都唔錯架,呢度環境我覺得幾好,d位幾好坐我叫左雞絲撈檬,男友叫左個午餐北菇蒸滑雞飯($40連凍飲),男友話佢果個蒸雞幾好食呀,我都食左一舊,係唔錯既~~到我個雞絲撈檬($30),大大碗,有好多雞絲,仲有其他配料,不過我唔多鍾意食蔥,但唔記得同佢講走蔥...= =唔緊要啦,照食!d檬粉好爽口,而個汁又好好味,甜甜酸酸咁,仲有少少辣,好好味呀雞絲食得出係新鮮架,好好味~~由於太大碗關係,我食左7成度就食唔哂啦,份量真係幾大!抵食!!!