一碗肉燥 (喜薈)

營業中

休息中

平時好少去長沙灣，琴日有事去果頭，行過一碗肉燥，見佢裝修得得地，果粒icon幾得意，我又鍾意食台灣野，就入左去食個晚飯啦。我食鹽酥雞排肉燥飯，塊雞排大都見唔到啲飯，咬落都皮脆肉嫩。店員仲比左3隻唔同味嘅粉比我沈，我揀左梅子粉，甜甜地撞落鹽酥味都幾ok。肉燥有好多肉粒同菇粒，個汁好香好濃。50幾蚊包野飲，都化算。我叫左蜂蜜紅茶，茶濃唔太甜，啱我。唔黎長沙灣都唔知有間裝修得意，潮嘅台灣餐廳，同埋鍾意啲裝修，食具設計都好有幽默感。問過店員話開左都有半年，係呢區都算坐得舒服，可以hea吓嘅餐廳。