影片
更多
2016-07-06
1134 瀏覽
忽然想食上海菜，帶埋阿爸阿媽黎試下。阿姐態度超級殷勤，唔知係咪睇得出我地係生客？我地點左$278既餐，有酸辣湯、醉雞、炒鱔糊、咕嚕肉，另外點左上海湯面。酸辣湯落得太多醋了，除此之外都ok既。醉雞唔係新鮮雞，但係雞肶肉都係嫰滑好味，啖啖都有花雕味。韮菜炒鱔糊好啱餸飯，口味比較清淡又口感豐富，好味。咕魯肉居然舊舊都獅子頭咁大粒，有啲嚇親。咕嚕汁唔係好突出，肉丸味道就好濃，肉質有咬口，不過份量太大食唔晒。上海湯面個湯好濃好香，我飲左一半。d椰菜都入味，個面居然係梘水面，點菜時阿姐話粗面係同烏冬，估唔到幼面都唔係上海面，阿媽其實想食中面既（粗同幼都唔啱）。個茶唔係特別香，但非常解渴。呢一餐我同阿爸都覺得ok，阿媽點唔到雲絲卷、鍋貼、小籠包同（真正既）上海面，好唔滿意，話呢間唔係正宗上海野喎，睇黎第日都係要自已黎食了。
阿姐態度超級殷勤，唔知係咪睇得出我地係生客？我地點左$278既餐，有酸辣湯、醉雞、炒鱔糊、咕嚕肉，另外點左上海湯面。
酸辣湯落得太多醋了，除此之外都ok既。
醉雞唔係新鮮雞，但係雞肶肉都係嫰滑好味，啖啖都有花雕味。
韮菜炒鱔糊好啱餸飯，口味比較清淡又口感豐富，好味。
咕魯肉居然舊舊都獅子頭咁大粒，有啲嚇親。咕嚕汁唔係好突出，肉丸味道就好濃，肉質有咬口，不過份量太大食唔晒。
上海湯面個湯好濃好香，我飲左一半。d椰菜都入味，個面居然係梘水面，點菜時阿姐話粗面係同烏冬，估唔到幼面都唔係上海面，阿媽其實想食中面既（粗同幼都唔啱）。
個茶唔係特別香，但非常解渴。
呢一餐我同阿爸都覺得ok，阿媽點唔到雲絲卷、鍋貼、小籠包同（真正既）上海面，好唔滿意，話呢間唔係正宗上海野喎，睇黎第日都係要自已黎食了。
張貼