影片
更多
2022-10-04
172 瀏覽
逸峯既餐廳唔算多，除左茶餐廳同Route 83，另外既全部都係大牌子餐廳連鎖店。用比較呢個字眼，同聯和墟既同類型或茶餐廳作比較可能有少少奇怪，但係講價錢同食物品質既比較就會合理好多喇！午餐A 紐西蘭草飼肉眼肉質可以仲食到肉味，唔似茶餐廳果d扒會落好多食粉/鬆肉粉醃到舊肉變左質純粹係調料既味道；煎出嚟大概7成熟仲有肉汁，份量算大，黑椒汁亦都係西餐出品，唔係豉油西餐既黑椒汁。午餐B 葡萄牙蕃茄烤雞扒雞扒似係煎完再放入烤爐/面火爐焗一焗香個面再上碟另外加燒汁既，個蕃茄醬既味唔係好出，配合埋一齊仲食到每樣野既味道冇蓋過晒其它（雞扒/蕃茄醃料/燒汁），唔係話好好食：可能寫到咁有d誇張，真係張食到既味道寫出嚟！午餐G 牛肉菠蘿漢堡件自家製漢堡牛肉幾好食（juicy+有份量），同墟內賣漢堡既店比較我覺得都唔差丫，不過就冇專門店咁多款，冇左果舊好好味既大啡菰選擇。午餐H 夏威夷薄餅Pizza低好薄，會顯得格外足料，好食；齋食pizza有d寡既，所以我地3個人嗌4個餐share，其實都好飽不過當我貪心少少，又可以一次過試晒想食既食物得定唔得；lunch咁忙都咁穩陣一定有下次啦！！其實經過好多次，有時一個
午餐A 紐西蘭草飼肉眼
肉質可以仲食到肉味，唔似茶餐廳果d扒會落好多食粉/鬆肉粉醃到舊肉變左質純粹係調料既味道；煎出嚟大概7成熟仲有肉汁，份量算大，黑椒汁亦都係西餐出品，唔係豉油西餐既黑椒汁。
午餐B 葡萄牙蕃茄烤雞扒
雞扒似係煎完再放入烤爐/面火爐焗一焗香個面再上碟另外加燒汁既，個蕃茄醬既味唔係好出，配合埋一齊仲食到每樣野既味道冇蓋過晒其它（雞扒/蕃茄醃料/燒汁），唔係話好好食：可能寫到咁有d誇張，真係張食到既味道寫出嚟！
午餐G 牛肉菠蘿漢堡
件自家製漢堡牛肉幾好食（juicy+有份量），同墟內賣漢堡既店比較我覺得都唔差丫，不過就冇專門店咁多款，冇左果舊好好味既大啡菰選擇。
午餐H 夏威夷薄餅
Pizza低好薄，會顯得格外足料，好食；齋食pizza有d寡既，所以我地3個人嗌4個餐share，其實都好飽不過當我貪心少少，又可以一次過試晒想食既食物得定唔得；lunch咁忙都咁穩陣一定有下次啦！！其實經過好多次，有時一個人見又要等又唔可以試咁多野，今日選擇嚟真係冇錯。
飲品加$18可轉特飲，榛子咖啡，蕉糖咖啡，朱古力等等不覺不失啦……普通凍啡好甜……記得嗌少甜另外個餐湯都合格。4個餐都係$360，如果附近既午餐平均都要$50-$70既，我寧願嚟呢度坐得舒服又食得好少少喇！要等位……因為好多人幫襯。
張貼
