茜麵(西口西麵)

營業中

休息中

係附近整車，朋友介紹嚟呢度話必食花甲同堅係和牛串。一開始以為得外賣，見到隔離寫有貓咪所以閂住門。門口貼咗清晰指示先落單再坐位，主打都係唔同湯底嘅花甲湯麵。叫咗麻辣花甲，有得免費加芫荽菜蒲，一嚟到發現超多滿到成碗都係連啲餸都睇唔到，撥開咗見到花甲好多。味道鮮甜，唔係話好辣。驚食到熱入坐先再叫可樂，啱啱先找咗個一蚊比我唔知跌咗係邊搵極個袋都冇，嘢食嚟到都仲搵緊，老闆娘叫我唔好搵住食完先搵返比佢。舖頭有養貓咪，對貓咪好好，男店主風趣幽默，女店主勁親切友善，一路由落單到食完都好多熟客同佢哋傾計，充滿人情味。好耐遇過咁友善態度咁好嘅食肆，要講嘅話個牛有啲少，米線浸得太耐粗咗易斷唔彈牙，但係兩樣嘅味道都好好。冇寫開食評，見到上一個post話店主態度惡劣覺得不解，幫佢平反吓。