樂園 (已搬遷) 新店位置

放工和女朋友往樂園食dinner, 我們點了戀之花三文魚意粉, 流心芝士蛋、薰衣草茉莉花茶和熱蘋果茶, 戀之花三文魚意粉好靚, 碟上用南瓜汁刻上smile字, 南瓜汁甜度剛剛好, 配上意粉帶出鮮味, 三文魚好香, 入口味美；流心芝士蛋配司華力腸, 菜和薯角, 薯角熱辣辣, 好爽脆, 加上灑了黑椒, 食落好香口, 配上茄汁一流, 司華力腸煎得熱辣辣, 菜好新鮮, 好爽口, 主角流心芝士蛋, 蛋汁熱辣辣, 配上濃香芝士, 蛋白和煙肉, 油而不膩, 好食；薰衣草茉莉花茶有好香薰衣草味, 有寧神減壓功效；最後蘋果茶略嫌甜了一點, 餐廳好有特色, 店內擺設好靚, 店主養了一隻貓貓, 又肥又可愛, 得意好多broadgame 玩, 朋友聚會好地方。