影片
更多
2021-10-05
760 瀏覽
🔍 Colour Brown x PHVLO HATCH（深水埗）好味指數😋😋😋😋回頭指數 ⭐️開心指數🤗一句形容我嘅對呢間店嘅感覺 -「好咖啡敵不過不悅體驗」！大家都知道近年深水埗一帶開咗勁多文青 cafe、小店，真係多選擇到不得了，行幾步就有一間，間間都有自己風格，有好多打卡位，不過呢… 通常呢D 店都唔係太大，假期又勁多人！本身最想去嗰間冇位，要等勁耐！路過呢間店，知道個打卡位係條特色嘅綠色旋轉樓梯，見入面有位，就去試下啦！咁啱店員俾我哋嘅位係對住點餐嘅位，走廊唔闊，有人點單時又有人響後面行，條路根本放唔落兩個人！D人孭住個袋走嚟走去，又多人行又迫，坐落一D 都唔舒服！根本冇可能有 hea 嘅心態，同去文青 cafe hea 下chill 下嘅呢種心態背道而馳！😑明明想叫D 嘢食嘆杯咖啡，但張檯細到根本放唔到咁多嘢，仲要驚D 人個袋撞到你杯嘢飲而擔驚受怕，諗諗下都係唔好食嘢啦，好好「守護」杯嘢飲唔好整到自己成身咖啡緊要D 囉！😓終於叫咗嘢飲，佢會俾個電子牌你！見到有人不斷上旋轉樓梯冇落返嚟，我哋懷疑上面有位，朋友話不如佢上去睇下，店員聽到我哋咁講，話上面冇檯嘅，係「等」外賣嘅位！咁
好味指數😋😋😋😋
回頭指數 ⭐️
開心指數🤗
一句形容我嘅對呢間店嘅感覺 -「好咖啡敵不過不悅體驗」！
大家都知道近年深水埗一帶開咗勁多文青 cafe、小店，真係多選擇到不得了，行幾步就有一間，間間都有自己風格，有好多打卡位，不過呢… 通常呢D 店都唔係太大，假期又勁多人！
本身最想去嗰間冇位，要等勁耐！路過呢間店，知道個打卡位係條特色嘅綠色旋轉樓梯，見入面有位，就去試下啦！
咁啱店員俾我哋嘅位係對住點餐嘅位，走廊唔闊，有人點單時又有人響後面行，條路根本放唔落兩個人！D人孭住個袋走嚟走去，又多人行又迫，坐落一D 都唔舒服！根本冇可能有 hea 嘅心態，同去文青 cafe hea 下chill 下嘅呢種心態背道而馳！😑
明明想叫D 嘢食嘆杯咖啡，但張檯細到根本放唔到咁多嘢，仲要驚D 人個袋撞到你杯嘢飲而擔驚受怕，諗諗下都係唔好食嘢啦，好好「守護」杯嘢飲唔好整到自己成身咖啡緊要D 囉！😓
終於叫咗嘢飲，佢會俾個電子牌你！見到有人不斷上旋轉樓梯冇落返嚟，我哋懷疑上面有位，朋友話不如佢上去睇下，店員聽到我哋咁講，話上面冇檯嘅，係「等」外賣嘅位！
咁惟有乖乖哋繼續留響呢個咁嘅位啦！好彩後尾見到有人走，即刻轉咗去店內較後位置，至少唔使每分每秒都要做「守護咖啡天使」！🧚♂️
跟住當然要去下條咁出名嘅旋轉樓梯打卡啦！行上去，發現有另一個空間，好大好闊仲有檯櫈俾人坐！😲 呢度先係有 hea 嘅感覺嘛！
見到有人坐響度食嘢飲咖啡，有輕音樂！店員一D 都唔講有樓上呢種選擇！我第一次嚟呢間店，我唔知呢個位係臨時咁做定係點啦！
後尾我發現，原來玻璃杯碟係唔可以上樓，要外賣杯同紙盒先可以上嚟！但完全冇人講，亦都冇人寫過，張notice 係放響一樓！原來係咁嘅！明白了！不過any 肥，呢間店暫時都唔會返嚟住！
🍴洪多拉斯Honduras SHG EP（$58）
要睇一間店嘅咖啡好唔好飲，就梗係試手沖咖啡！如果咖啡豆夠靚，我係鍾意飲齋啡嘅～咁先飲到咖啡嘅原有味道！
根據 description，我揀嘅呢種咖啡豆係有焦糖、果香、醇度高(soft body)、口感均衡(smooth finish)… 見到職員都用心機整嘅，整完都倒少少自己試過味先俾客人嘅～
Honduras SHG EP
$58
33 瀏覽
0 讚好
0 留言
☕️咖啡小知識：
中美洲嘅咖啡調性比較溫和，呢種豆嘅處理法係水洗，SHG (strictly high grown - 超過1200公尺），呢種海拔生長嘅咖啡豆係產生較慢嘅成熟水果同較濃密嘅咖啡豆；EP (Euporean Preparation）係所有豆都係人手分揀，去除有問題嘅豆同雜質。
飲落其實都okay，口感都幾順滑，唔係濃度高嘅咖啡，其實呢種豆係會有少少酸度，所以飲完後會有一種細膩嘅酸味。
杯咖啡係唔錯嘅，不過成個體驗就好一般，應該回頭機會率唔高！
張貼
