藏 (已結業)

今次坐吧枱，望住師傅整野食，佢地又不時問下我地有冇咩需要，同問食物啱唔啱食，感覺好親切。叫左個北海市場丼，分量超多！刺身非常新鮮，溫度又啱啱好，食完好滿足！尤其是係蝦，好大隻好厚肉，好鮮甜！另外值得一提嘅係佢地用新鮮wasabi, 仲有上埋薑片，啲薑片仲有檸檬mix埋，好有心思。服務方面亦十分好，除左師傅會問下食物上嘅嘢外，waitress服務亦非常好。見到你飲左啲茶，就會自動即刻加返啲熱茶；食飯前後分別都有奉上熱毛巾。環境方面，呢間餐廳好似係新開，環境好乾淨好舒服。Overall 所有野都做得好同有心思，值得推薦！