影片
更多
2020-06-01
371 瀏覽
近排開始又餐餐係街食, 難免比較重口味同油膩, 有時真係想食得健康D, 朋友就搵左依間新派素菜餐廳試下, 晚市套餐 $275/位, 有齊前菜, 沙律, 湯, 小食, 主菜同甜品, 而且仲免加一, 上網睇過野食好似唔錯, 就去馬~餐廳環境裝潢簡單又淡雅, 有種屋企舒服既感覺。店員好有禮咁招呼我地入座後, 就呈上大麥甘草茶, 清淡既麥味, 飲落感覺舒適。前菜小食香橙糖漬甘荀, 香甜橙味配甘荀又幾夾。日式醬油蓮藕昆布鮮味咸香, 蓮藕爽脆。焗釀白松露小蘑菇好正, 松露味道好香, 而且小蘑菇好juicy! 奇亞籽椰汁紫薯糕紫薯味道濃郁, 口感綿密。而依四道前菜小食都好精緻, 令到我地好期待接下既菜式!鮮淮山香芒沙律芒果卷成玫瑰花形狀, 以沙律菜做葉, 最底層就係鮮淮山, 賣相好靚! 鮮淮山如果煮得over左就會變腍, 而依個解准山就係我最中意既口感, 十分爽脆~ 配上香甜芒果, 清新又開胃。蕃茄全蔬濃湯將蕃茄同其他蔬菜打成碎, 精華完全融入湯內, 濃稠度很好飲落亦覺得好有質感。除左濃郁既蕃茄味之外仲人伕到D西芹既清香。加上鬆軟加上穀麥既麵包, 好味~脆炸藜麥豆腐蛋卷伴番紅花醬非常特別既一道
餐廳環境裝潢簡單又淡雅, 有種屋企舒服既感覺。店員好有禮咁招呼我地入座後, 就呈上大麥甘草茶, 清淡既麥味, 飲落感覺舒適。
前菜小食
香橙糖漬甘荀, 香甜橙味配甘荀又幾夾。日式醬油蓮藕昆布鮮味咸香, 蓮藕爽脆。焗釀白松露小蘑菇好正, 松露味道好香, 而且小蘑菇好juicy! 奇亞籽椰汁紫薯糕紫薯味道濃郁, 口感綿密。而依四道前菜小食都好精緻, 令到我地好期待接下既菜式!
鮮淮山香芒沙律
芒果卷成玫瑰花形狀, 以沙律菜做葉, 最底層就係鮮淮山, 賣相好靚! 鮮淮山如果煮得over左就會變腍, 而依個解准山就係我最中意既口感, 十分爽脆~ 配上香甜芒果, 清新又開胃。
蕃茄全蔬濃湯
將蕃茄同其他蔬菜打成碎, 精華完全融入湯內, 濃稠度很好飲落亦覺得好有質感。除左濃郁既蕃茄味之外仲人伕到D西芹既清香。加上鬆軟加上穀麥既麵包, 好味~
脆炸藜麥豆腐蛋卷伴番紅花醬
非常特別既一道菜式, 表面薄脆內裡既腐蛋卷軟綿綿, 中心既藜麥增加左成個口感, 蛋香味濃郁而且香口, 我同朋友都勁中意! 相信係一般餐廳都唔會食到。
印度咖哩漢堡黃薑飯
咖哩香噴噴, 仲用埋正宗印度長米, 估唔到食素都可以食得咁FUSION! 漢堡係用西蘭花同薯蓉搓成, 估唔到經酥炸後味道咁夾, 而且香口味道依然, 讚!!
蜂蜜檸檬蝶豆花愛玉
最後食埋甜品加上蝶豆花既檸檬愛玉顏色好靚, 賞心悅目! 酸酸甜甜既檸檬愛玉消暑解熱之餘仲平衡番剛才既濃味既咖哩, 感覺餐廳真係有精心設計過MENU, 好欣賞!
非常值得一試既餐廳, 除左因為佢既菜式名夠特別, 精緻又好食之外, 仲好健康, 而已SERVICE好好, 店員會留意客人食完一道菜先再下一道菜, 又會主動加茶~
其實成餐飯食食下都唔記得左自己係食緊素, 顛覆左一般對素食既概念, 素食絕對可以靚, 可以打卡ABLE, 可以有豐富既味道同層次, 我同朋友都讚不絕口!
張貼
