茶湯會 (新都城中心) (已結業)

台灣珍珠奶茶大家當然飲得多， 但有冇試過食用珍珠製作出嚟嘅食物？ 今次幫襯嘅呢間茶湯會， 除咗珍珠奶茶出色之外， 仲有各類唔同小食， 而且有堂食位置， 所以直頭可以喺度high tea。我點咗一杯 新鮮水果茶，＄32， 同埋 爆漿珍珠吐司，＄25。 新鮮水果茶嘅水果真係好新鮮， 飲得出唔係加糖漿嘅鮮甜味道， 而且水果種類好多， 令到味道層次好豐富。爆漿珍珠吐司 係用煉奶加珍珠做餡料， 外層就係烘烤飛碟。 第一次 食珍珠做餡料嘅食物， 都幾驚喜， 因為q彈嘅口感 同脆卜卜嘅飛碟形成咗一種反差， 但又不失協調性。