越泰 (已結業)

晏晝同同事去左呢間食lunch，因為都兩點幾所以有下午茶餐，我們兩人嗌左一個冇骨豬脾飯同冇骨海南鷄飯share食，仲嗌多個春圈添。先講講豬脾飯，雖然有啲肥，但食落好滑，味道都幾好，抵讚。再講個海南雞飯，餐牌話冇骨海南雞，先唔理佢正宗係咪用雞脾肉先，黎到面頭隻雞亦都算，但仲要有骨，同埋有唔少毛，真係有啲接受唔到，跟住到個油飯，完全唔夠味，呢樣就真係好失望。至於春圈就冇咩特別。