川魔 - 龍門一番 (已結業)

川魔 - 龍門一番 (屯門) 見有新開既川菜， 即刻同朋友一齊去試下地方好好坐， 食烤魚一定要好坐，一邊食一邊傾計。 正👍🏼 酸菜烤江團魚（微辣）$328 ⭐️⭐️⭐️⭐️ 店員推介必食之一！ 果然無介紹錯👍🏼👍🏼 叫左酸辣微辣，酸味好夠，微辣真係岩返我唔太食辣既人🤣 原條魚上！ 好正 ☺️見到有煎香過，但唔乾，魚肉仲好滑。香茜洋蔥酸菜等配料都好多 ， 味道非常夠。仲有豆卜雲耳等配菜，🥰更加吸收哂啲湯汁，超級好味。另外加左寬薯粉，一淥就林晒。 😋唔好淥太耐， 都可以保持到煙韌韌嘅口感。四川口水雞 $88 ⭐️⭐️⭐️ 合格既口水雞 ，辣椒辣油都好足夠。夠味，雞肉肉質都好、好滑🌝 川燒生蠔 $28 /隻⭐️⭐️⭐️⭐️⭐️ （推廣價$10）見有推廣價，同朋友一人叫咗一隻試吓😊 大大隻 ， 好抵食，而且非常好味😋 蠔肉嫩身， 唔老 ， 配料好夠味。有燒烤既感覺！ 好有誠意！！！ 冷泡白桃四季春 $32 ⭐️⭐️⭐️⭐️ 白桃味好出😃 茶味就比較淡嘅整體都好唔錯👍🏼👍🏼餐廳有好多大卡位 好岩4-6朋友😊一邊食烤魚 一邊傾計空間好足夠， 坐得幾舒服😌