金華冰廳

營業中

休息中

聽朋友推薦去咗食呢間冰室，可能係小紅書定邊到有人推薦，好多外國人食，要排隊，大約排30分鐘咗右，所以就好奇有幾好食。入到去座環境好迫，好亂，我哋2個有食，坐單邊卡位搭台，對面有2個外國人，都幾近，無隔板會有少少壓迫感，但都理解，多人要搭台。菠蘿油不過不失，有牛油嘅地方唔差，無牛油嘅地方包面層皮一咬就碎。餐蛋麵就真係好普通嘅餐肉＋腸仔＋公仔麵，麵唔差小彈牙，但屋企煮都好食過佢。公司公仔麵又係勁普通，無特別，屋企煮都好食啲，重點條腸咬開仲要係凍。