影片
更多
2020-06-25
156 瀏覽
最近天氣咁鬼熱🔥，搞到🐖日日都好想飲凍嘢降下溫❄，上下IG見到哩間飲品店告急，又係番工附近，😉當然要番工前幫襯下啦！ 極度懷疑google map個地點有錯，因為🐖去到係完全見唔到佢，仲搵咗好耐，各位搵嘅時候記得要再向北角方向行多陣，咁先搵到佢。😢————————————————————舔舔脷指數 : 🐽🐽🐽🐽🐽🐽🐽(7.5/10）抵食指數:🐽🐽🐽🐽🐽🐽🐽(7/10)————————————————————珍珠奶茶($28)半糖趕時間霎時間又諗唔到飲咩又花多眼亂，🐖決定還原基本步飲最中意嘅珍珠奶茶。一向飲開半糖，佢應該比出面平時嘅冇咁甜，因為🐖飲落冇平時嘅咁甜，淡淡哋覺得啱啱好，茶同奶味嘅比例都係啱啱好，應該一半一半冇話邊樣特別重，飲落真係似係台灣飲嘅奶茶味，珍珠幾大粒下，😋咬落煙韌幾好食。佢仲有好多唔同類型飲品，有芝士水果沙冰丶鮮果乳酪丶水果益力多丶水果茶丶芝士茶丶純茶丶朱古力同養生系列等等，就好似🐖朋友們飲嘅😆👉🏼茉莉綠茶丶芝士白桃烏龍同埋季節限定無花果雪梨茶佢哋都話好好。如果你諗唔到飲咩好⁉️💡可以叫老闆推介，老闆好nice，真係會為你度身訂做，甚至可以飲到啲為你特製，menu上冇
極度懷疑google map個地點有錯，因為🐖去到係完全見唔到佢，仲搵咗好耐，各位搵嘅時候記得要再向北角方向行多陣，咁先搵到佢。😢
————————————————————
舔舔脷指數 : 🐽🐽🐽🐽🐽🐽🐽(7.5/10）
抵食指數:🐽🐽🐽🐽🐽🐽🐽(7/10)
————————————————————
珍珠奶茶($28)半糖趕時間霎時間又諗唔到飲咩又花多眼亂，🐖決定還原基本步飲最中意嘅珍珠奶茶。
一向飲開半糖，佢應該比出面平時嘅冇咁甜，因為🐖飲落冇平時嘅咁甜，淡淡哋覺得啱啱好，茶同奶味嘅比例都係啱啱好，應該一半一半冇話邊樣特別重，飲落真係似係台灣飲嘅奶茶味，珍珠幾大粒下，😋咬落煙韌幾好食。
佢仲有好多唔同類型飲品，有芝士水果沙冰丶鮮果乳酪丶水果益力多丶水果茶丶芝士茶丶純茶丶朱古力同養生系列等等，就好似🐖朋友們飲嘅😆👉🏼茉莉綠茶丶芝士白桃烏龍同埋季節限定無花果雪梨茶佢哋都話好好。
如果你諗唔到飲咩好⁉️💡可以叫老闆推介，老闆好nice，真係會為你度身訂做，甚至可以飲到啲為你特製，menu上冇嘅茶添嫁，咁體貼細心嘅服務去邊度搵呀？😗 仲飲喜茶？不了！👋✋😏
張貼
