影片
更多
2022-08-18
55 瀏覽
今次嚟到長沙灣，知道佢最近開咗一間分店，所以專程來試一下。本身我對炯記餐室印象係一間傳統嘅茶餐廳，點知去到成間文青cafe咁樣。門口擺放咗好多佢地招牌牛角包嘅模型，室內就用咗暖白色嘅燈光，座位都坐得好舒適。鴛鴦手撕雞腸粉 $40鴛鴦即係有兩種手撕雞，分別係鹽焗同埋麻辣。個人就比較鍾意鹽焗呢款因為本身都唔係好鍾意食辣。手撕雞呈絲狀肉質都比較嫩滑，腸粉相當驚喜，質感幼滑同埋富有彈性。腩叉牛角包 $36依個係餐廳嘅招牌菜式，腩叉係半肥瘦嘅叉燒， 外層啲焦香已經好吸引，食落好軟腍。牛角包更加係新鮮焗製，好香脆。腩叉撈麵 $56一樣係用咗半肥瘦嘅叉燒，嚟到炯記一定要試吓佢哋嘅撈粗，佢哋用上鵝油製成嘅 撈粗，香味即刻升級，一啲都唔肥膩。醬皇豬手撈麵 $56豬手亦都好出名，首先豬手煮到好入味同埋軟身，好容易食同埋一啲都唔油膩，而且仲一啲都唔會粘骨，同埋充滿骨膠原。最後今餐叫咗兩杯特飲（+10) 分別係番石榴烏龍茶同埋荔枝梳打。整體來講價錢真係好實惠，加少少錢仲可以轉埋特飲添。真係必須要加錢換特飲，物超所值！兩杯都係咁好飲！另外佢哋仲有一個二人套餐$198有齊晒佢哋啲出名小菜！真係好抵食，得咁嘅價錢食
鴛鴦手撕雞腸粉 $40
鴛鴦即係有兩種手撕雞，分別係鹽焗同埋麻辣。個人就比較鍾意鹽焗呢款因為本身都唔係好鍾意食辣。手撕雞呈絲狀肉質都比較嫩滑，腸粉相當驚喜，質感幼滑同埋富有彈性。
腩叉牛角包 $36
依個係餐廳嘅招牌菜式，腩叉係半肥瘦嘅叉燒， 外層啲焦香已經好吸引，食落好軟腍。牛角包更加係新鮮焗製，好香脆。
腩叉撈麵 $56
一樣係用咗半肥瘦嘅叉燒，嚟到炯記一定要試吓佢哋嘅撈粗，佢哋用上鵝油製成嘅 撈粗，香味即刻升級，一啲都唔肥膩。
醬皇豬手撈麵 $56
豬手亦都好出名，首先豬手煮到好入味同埋軟身，好容易食同埋一啲都唔油膩，而且仲一啲都唔會粘骨，同埋充滿骨膠原。
最後今餐叫咗兩杯特飲（+10) 分別係番石榴烏龍茶同埋荔枝梳打。整體來講價錢真係好實惠，加少少錢仲可以轉埋特飲添。真係必須要加錢換特飲，物超所值！兩杯都係咁好飲！
另外佢哋仲有一個二人套餐$198有齊晒佢哋啲出名小菜！真係好抵食，得咁嘅價錢食到飽又咁好食，都真係晚市嘅一個好選擇
因為今次加左特飲同牛角包🥐
人均就大約都係$208，即係都係人均$100就可以解決到晚餐啦
張貼
