影片
更多
2017-01-18
2037 瀏覽
今次係第二次去食平成22，上次好似係星期六日，所以好多人排隊，今次係閑日，仲要我哋一放工就衝來，七點都未夠，唔駛等位就入得啦。平成22有好多其他放係餐廳搵唔到嘅嘢食，呢個都係我哋食完一次返轉頭再食嘅原因。有好多唔同種類嘅選擇。呢個係必叫嘅煎鵝肝，其實相比煎，我更加覺得似係炸，因為面頭有一層好薄好薄嘅粉漿，食落更加酥脆，一咬落去鵝肝嘅油分就咇再出嚟，外皮夠趣，中間都仲係軟林林嘅，隱約中見到粉紅色添。蒜片牛肋肉一般見到嘅都係牛柳粒，但係平成22用咗牛肋肉，會比起牛柳粒薄切啲，但係受熱會平均啲，唔會出面熟曬但係裏面仲係紅卜卜咁樣，而且牛肋肉切得較為薄，比較易入口咀嚼，都較為入味，蒜香嘅味道唔太重，反而多咗牛味。刺身全部都係厚切嘅，最緊要係二人入座，仲會送多一板海膽，海膽出乎意料地鮮甜，唔好以為送嘅就冇質素，完全食唔到有腥味，而且海膽嘅形狀好靚，唔會變咗一劈野，每一粒都金黃色，好新鮮。另外仲可以叫到唔算係太想睇放題出現嘅油金魚，而且有金魚嘅質素好高，非常肥美，每一啖都有如有嘅甘香，令人想不停再叫過嚟食。而三文魚方面就用咗比較少見嘅三文魚腩，比一般見到嘅三文魚更加肥美。甜蝦方面竟然係原隻上，連殼
有好多唔同種類嘅選擇。
呢個係必叫嘅煎鵝肝，其實相比煎，我更加覺得似係炸，因為面頭有一層好薄好薄嘅粉漿，食落更加酥脆，一咬落去鵝肝嘅油分就咇再出嚟，外皮夠趣，中間都仲係軟林林嘅，隱約中見到粉紅色添。
蒜片牛肋肉一般見到嘅都係牛柳粒，但係平成22用咗牛肋肉，會比起牛柳粒薄切啲，但係受熱會平均啲，唔會出面熟曬但係裏面仲係紅卜卜咁樣，而且牛肋肉切得較為薄，比較易入口咀嚼，都較為入味，蒜香嘅味道唔太重，反而多咗牛味。
刺身全部都係厚切嘅，最緊要係二人入座，仲會送多一板海膽，海膽出乎意料地鮮甜，唔好以為送嘅就冇質素，完全食唔到有腥味，而且海膽嘅形狀好靚，唔會變咗一劈野，每一粒都金黃色，好新鮮。另外仲可以叫到唔算係太想睇放題出現嘅油金魚，而且有金魚嘅質素好高，非常肥美，每一啖都有如有嘅甘香，令人想不停再叫過嚟食。
而三文魚方面就用咗比較少見嘅三文魚腩，比一般見到嘅三文魚更加肥美。
甜蝦方面竟然係原隻上，連殼都未搣，咁一定新鮮啦，而且隻隻都有大半隻手掌咁長，肉身好舊口，識落鮮甜可口。
帶子都非常出色，食落去好creamy好甜，而且隻隻都好厚肉。
小食都有好多唔同嘅種類揀。
壽司方面最鍾意係火炙三文魚同埋花之戀壽司，最緊要係三文魚唔會話切得好薄，都仲係有口感嘅厚度，而且好用心去燒，唔會燒得過熟或者輕輕辣一辣就算，花之戀用咗唔算好多嘅沙律醬，唔會搶咗三文魚嘅味道，我覺得份量啱啱好。
天婦羅同炸物都有好多唔同嘅選擇，個人最鍾意就係秋葵天婦羅同埋甜粟米天婦羅，外面嘅粉漿好薄，揸得好乾身，唔會油淋淋，而且秋葵比較少見，又健康，好適合攞嚟做天婦羅。而炸雞軟骨就略嫌細粒左啲，但係細細粒食唔會話太快飽，慢慢咬下咬下都幾爽。
日式高湯素翅，呢個唔係成日見到嘅，即刻點左嚟食啦，素翅嘅份量好夠，唔會剩係得面嗰浸食完冇晒，而且個湯甜得來一啲都唔鹹，又唔會話太潔，非常好。
一人$278 +1，性價比都幾高。
張貼
