二家姐正宗原味麻辣火鍋

營業中

休息中

又同班老死相約食飯，好耐無打麻辣邊爐，見呢間有咁多特式配料，加上係好喜歡嘅麻辣火鍋，貪新鮮就試一試佢。一入到去，佢原來分左兩間舖，我訂左位，佢就叫我去對面坐，咁啱落完大雨，好在行過去唔洗濕身。坐低左，好大冷氣，可能諗住打邊爐啲人會好熱掛，揀左好多野食下，但飲品方面比較遜色，都係得啲罐裝樽裝飲品，如果有啲自家制飲品會加分。因為有一個朋友唔係好食得辣，我地揀左清湯同麻辣小辣湯底，但清湯都有味，仲幾好味，相反個小辣一啲都唔辣，藥材味重，但好淡味，要點豉油辣椒蒜蓉先有味係可以一試，多人食會抵啲，人均唔算貴。但飲品同湯底嘅進步空間仲有不少。