影片
更多
2006-09-11
0 瀏覽
8 September 2006 (Fri) - 晚飯舊同學黎聚同有嘢傾，黎呢度一吃，本見OR mark個消費好貴，又啲怕怕，但後尾打去問下如果食六人餐要幾多錢，佢話都係$588，又唔洗加一又冇茶芥，咁都食得過！但係去到之後，我哋郤決定叫個四人餐，因為四人餐用星展信用咭可享有七折，即係折後$398，都幾抵，諗住啲餸黎咗至睇下洗唔洗再散叫啲餸，但又唔係好洗，所以都幾抵！先黎一支天地一號陳醋，嘩．．．有啲同學覺得好飲，有啲（包括我）都覺得太重醋味，好似飲醋咁，好難頂架呢．．．跟住有個客家濃燉湯，呢個好味道，連啲湯料都好好味呀，有啲個樣好似猴頭菇咁既但又唔exactly係既菇都好好味，個樣好似好補咁！跟住有個古法蒸海斑，呢個都好味，蒸得啱啱好，唔太老，個汁都可以！然後有珍菌鴛鴦蚌片，呢個我都好鍾意，有好多既菇同唔太多既蚌片抄埋一齊，蚌片好味道，好似仲有啲細隻既象拔蚌咁，總之幾好味，不過油咗少少；跟住有米湯墨魚滑燴嫩菜，呢個都OK，清清地咁，好易入口；仲有既係農家蒸米粉，呢個好咸，而且似係炒米粉多啲，不過如果將呢個加埋之前碟蚌片同菇咁食，就好味啲，溝淡咗啲咸米粉味！最後就黎個香茹扣玉掌，我一向
舊同學黎聚同有嘢傾，黎呢度一吃，本見OR mark個消費好貴，又啲怕怕，但後尾打去問下如果食六人餐要幾多錢，佢話都係$588，又唔洗加一又冇茶芥，咁都食得過！但係去到之後，我哋郤決定叫個四人餐，因為四人餐用星展信用咭可享有七折，即係折後$398，都幾抵，諗住啲餸黎咗至睇下洗唔洗再散叫啲餸，但又唔係好洗，所以都幾抵！
先黎一支天地一號陳醋，嘩．．．有啲同學覺得好飲，有啲（包括我）都覺得太重醋味，好似飲醋咁，好難頂架呢．．．跟住有個客家濃燉湯，呢個好味道，連啲湯料都好好味呀，有啲個樣好似猴頭菇咁既但又唔exactly係既菇都好好味，個樣好似好補咁！跟住有個古法蒸海斑，呢個都好味，蒸得啱啱好，唔太老，個汁都可以！然後有珍菌鴛鴦蚌片，呢個我都好鍾意，有好多既菇同唔太多既蚌片抄埋一齊，蚌片好味道，好似仲有啲細隻既象拔蚌咁，總之幾好味，不過油咗少少；跟住有米湯墨魚滑燴嫩菜，呢個都OK，清清地咁，好易入口；仲有既係農家蒸米粉，呢個好咸，而且似係炒米粉多啲，不過如果將呢個加埋之前碟蚌片同菇咁食，就好味啲，溝淡咗啲咸米粉味！最後就黎個香茹扣玉掌，我一向都唔食鴨掌，所以我只係食咗個香茹，但係呢味嘢個汁非常咸，所以我只係食咗少少菜同一隻茹就放棄！
最後由於半數同學想食咸茶粿，半數人就想食炸饅頭，所以唔理咁多兩樣叫晒，而且兩樣既數目都係半打，再加埋佢個餐既楊枝金露，呢個甜品都算豐富啦，炸饅頭都唔錯，但係有同學話係返炸，我覺得OK，茶粿我就不與致評！楊枝金露都OK，如果可以多啲西柚就好啦！
呢頭啲同學讚完佢啲嘢食都幾平，嗰頭大家都覺得地方太嘈，都傾唔到偈！不過我都覺得OK！So far so good.
張貼