泰.夯蝦 (諾士佛臺) (已結業)

11月尾去食，講得切用11月優惠，好扺丫，每人300文都唔洗，就可以任食生猛大蝦，仲有各種燒海鮮燒肉，泰國粉面，雪糕，飲品。。。咁多嘢食真係個胃細啲都唔得，限時兩小時任食，燒食物變得好趕急，雖然有提供已燒好嘅大蝦，但現成嗰啲好似冇咁多膏，同埋蝦肉有啲梅，都係自己即夾即燒好啲嘅大蝦肉彈牙又多膏。不過夾蝦嘅時候，要花嘅功夫好多，首先要夠大力同快手先夾得起個蝦，因為啲蝦真係好生猛，一夾就會彈下彈下，又要有冰桶，但係入面啲冰好快會溶，要不停refill。然後又要有人負責燒蝦，燒海鮮，生蠔有啲大隻有啲細隻，睇好唔好彩。仲有沙蜆，都幾大粒又鮮甜，但係有幾隻就係開唔到蓋。我覺得最少都要有五六個朋友一齊去食先搞得掂。