Bigger Burger Cafe (已結業)

佐敦開咗幾間 Burger place，本身諗去入另一間，但最後都係想坐得舒服啲，可以同 friend 傾耐啲計，所以嚟咗呢度。嚟得呢度又點以唔食 Burger 呢？松露蛋漢堡 ($98)好正呀啲芝士流晒岀嚟，個蛋仲有蛋汁流岀，配埋好香嘅松露味，同埋烘到脆一脆嘅包包，好 yummy！雙層安格斯漢堡 ($128)呢個夠晒份量，一啖都唔可以咬晒。塊肉好厚好香，牛味濃郁，鮮嫩有口感。就連伴碟嘅薯條都好味，係粗身薯條，炸得金黃色而好香脆。全部餐都包個餐茶。