龍記小廚

營業中

休息中

朋友話佢公司附近有間人氣隱世中菜小館約左放工dinner 傾下計放工去到差唔多滿座真係好人氣🤣🤣食物種類多元化睇到我花多眼亂性價比高🐽經典拔絲咕嚕肉 HK$118咕嚕肉酸酸甜甜，大人細路都岩食，見抬抬都必點🤣。炸漿薄外皮脆卜卜，肉質軟腍有咬口，酸甜味恰好，就算放耐左外皮仲係好脆口。龍記炸子雞 HK$98炸子雞皮燒得薄又脆， 肉質嫩滑多汁入味，冇油膩感，我幾中意。金沙蝦球 HK$118咸蛋控完全抗拒唔到🫶！咸蛋煮到起哂沙，口感綿密厚實，蛋香撲鼻，蝦球咸香彈牙。蓉炒豆苗 HK$108豆苗新鮮翠綠，嫩滑清甜！