影片
更多
2018-05-04
350 瀏覽
喂呀 荃灣都有丼丼飯食，仲洗出旺角尖咀嘅（誤）？近日睇fb見倒有飲食平台推介荃灣爆丼丼，顧名思義即係有大大碗魚生丼飯食呀。記得之後係荃豐中心一帶有間享丼丼d丼飯都幾好味，執左之後就一直都無一間魚生飯鋪頭。直到荃灣爆丼丼係河背街落戶，就遠少少都行去望下啦。唔知係咪因爲遠少少，我地食飯時間七點零到，入面都係得兩成客滿，唔緊要，如果好食，新鮮而又價錢合理，絕對唔怕無客人。我們二人嗌左個極上魚生丼，期間限定嘅四重爆丼同一客餃子。講下個極上魚生丼先，有兩隻甜蝦，兩片帶子，三文魚，吞拿魚同埋海膽。甜蝦勁大隻，本來滿帶期望應該好鮮味，雖然食落有蝦嘅黏口，但是唔鮮甜，帶子方面，其實都幾大隻，不過亦同樣唔算新鮮，無食落就帶甜味而係有少少雪味，三文魚就十分肥美，厚切上看到肥脂位好治癒，而最令人驚喜嘅可以算是海膽，數量雖少但十分出色，有鮮甜帶少少甘口，幾片海膽救點整碗魚生飯。而米飯方面，大大碗，基本上食唔晒，有啖啖嘅日本醋味，令人唔覺唔覺又食多啖。另外一碗係四重爆丼，即是有爆量海膽，拖羅蓉，帶子同埋三文魚子。呢碗晚市推介無係普通 menu 出現，首先講左頭先大讚嘅海膽先，都明白一板海膽總有好壞，呢碗爆丼飯上
近日睇fb見倒有飲食平台推介荃灣爆丼丼，顧名思義即係有大大碗魚生丼飯食呀。記得之後係荃豐中心一帶有間享丼丼d丼飯都幾好味，執左之後就一直都無一間魚生飯鋪頭。直到荃灣爆丼丼係河背街落戶，就遠少少都行去望下啦。
唔知係咪因爲遠少少，我地食飯時間七點零到，入面都係得兩成客滿，唔緊要，如果好食，新鮮而又價錢合理，絕對唔怕無客人。
我們二人嗌左個極上魚生丼，期間限定嘅四重爆丼同一客餃子。講下個極上魚生丼先，有兩隻甜蝦，兩片帶子，三文魚，吞拿魚同埋海膽。甜蝦勁大隻，本來滿帶期望應該好鮮味，雖然食落有蝦嘅黏口，但是唔鮮甜，帶子方面，其實都幾大隻，不過亦同樣唔算新鮮，無食落就帶甜味而係有少少雪味，三文魚就十分肥美，厚切上看到肥脂位好治癒，而最令人驚喜嘅可以算是海膽，數量雖少但十分出色，有鮮甜帶少少甘口，幾片海膽救點整碗魚生飯。而米飯方面，大大碗，基本上食唔晒，有啖啖嘅日本醋味，令人唔覺唔覺又食多啖。
另外一碗係四重爆丼，即是有爆量海膽，拖羅蓉，帶子同埋三文魚子。呢碗晚市推介無係普通 menu 出現，首先講左頭先大讚嘅海膽先，都明白一板海膽總有好壞，呢碗爆丼飯上面有幾款海膽，大部分都很鮮味，有一兩片含苦，值得一讚是師傅有火炙過部份海膽，又是另一種層次。拖羅蓉就無乜特別，而三文魚子都幾鮮味。
最後講一講個餃子，每間日本料理店都基本上提供煎餃子，而呢間嘅煎餃子（雖然都一定係取貨）我個人很喜歡，首先係煎得乾身，上碟時唔好油林林，而且餃子size比一般一口餃子大，要食三四口先食得晒。
本體黎講呢個價錢係荃灣算不上很便宜，不過如果貴店用料得宜，取貨新鮮，絕對會再次光顧！另外一個建議是，menu上只提供左丼飯照片及名稱，並無包括咩咩咩魚生呀配料，對於我呢d唔係咩都食嘅顧客，係點菜前花左好多時間心大心細，又驚點錯飯，又驚點左唔食嘅野，希望店方可以好似牆上推介款式咁，列明究竟有咩魚生，食客就叫得開心啦。
張貼
