越棧越式湯粉專門店 (新翠商場) (已結業)

前日去柴灣搵朋友，然後就去新翠商場間越棧食晏，一入到去就見到其中一個餐牌寫住心靈雞湯粉，沒有牛仔的湯底，於是我就即刻叫咗一碗扎肉豬頸肉湯金邊粉，配熱檸茶一杯，套餐價$60。唔使五分鐘，就有得食啦，真係好大碗，雖然唔係好飲得出係雞湯底，不過湯底都好好味，豬頸肉好鬆軟，扎肉都唔錯，最可惜係無哂雞絲，如果唔係應該會更加好食，因為金邊粉真係好多，所以食完一碗都已經覺得好飽肚，加上店內職員服務態度好，難怪店內一直都有咁多食客幫襯。