影片
更多
2017-08-24
263 瀏覽
食呢間嘅時候未開始寫食評。點解隔咗咁耐都仲要補返? 因為嗰次用餐經驗真係畢生難忘！當日係補祝屋企人生日，滿心歡喜咁去食。雖然MENU選擇少，但食物都好有特色，味道都唔錯，直到佢嘅出現...豬頸肉籠仔飯見到個飯，心諗：點解啲肉咁嘅色嘅? (深啡得嚟唔係實色，就好似扣肉層脂肪咁透透地)唔通唔熟?但咁大間餐廳，而且開業多時，冇理由冇一條豬頸肉熟架喎...因為每星期都出現嘅人龍，因為之前幾道菜嘅味道，我選擇信任餐廳。結果，咬唔開之餘牙印都唔係幾現, 唔熱, 濃味梅菜汁掩過血水味, 但靠近仔細睇。嚿肉無疑係生嘅！
(呢句唔係非合理猜測, 我放過入口食用過眼睇!請openrice唔好ban我)店員知悉後命廚房重製，豈料豬頸肉依然係生嘅！當我哋召回店員，店員指舊嗰份已經棄掉，呢份係完全重製。嗰一刻我只係覺得好折墜，浪費咗成碟飯。我哋只係要求店員將新嘅呢份再蒸耐啲，甚至講明韌啲都唔緊要，熟就得喇，豬肉唔可以生架！唔止係因為衛生安全問題同好浪費，更加係因為我哋等咗半粒鐘，已經冇晒信心...最後嘅一份，雖熟但難以咬開，有幾塊都係未夠熟，要吐出嚟...結果我哋用多咗9個字以上用餐，除咗口頭道歉並無得到任何賠
當日係補祝屋企人生日，滿心歡喜咁去食。
雖然MENU選擇少，但食物都好有特色，味道都唔錯，直到佢嘅出現...
豬頸肉籠仔飯
見到個飯，心諗：點解啲肉咁嘅色嘅? (深啡得嚟唔係實色，就好似扣肉層脂肪咁透透地)
唔通唔熟?
但咁大間餐廳，而且開業多時，冇理由冇一條豬頸肉熟架喎...
因為每星期都出現嘅人龍，因為之前幾道菜嘅味道，我選擇信任餐廳。
結果，
咬唔開之餘牙印都唔係幾現, 唔熱, 濃味梅菜汁掩過血水味, 但靠近仔細睇。嚿肉無疑係生嘅！ (呢句唔係非合理猜測, 我放過入口食用過眼睇!請openrice唔好ban我)
店員知悉後命廚房重製，豈料豬頸肉依然係生嘅！
當我哋召回店員，店員指舊嗰份已經棄掉，呢份係完全重製。嗰一刻我只係覺得好折墜，浪費咗成碟飯。我哋只係要求店員將新嘅呢份再蒸耐啲，甚至講明韌啲都唔緊要，熟就得喇，豬肉唔可以生架！唔止係因為衛生安全問題同好浪費，更加係因為我哋等咗半粒鐘，已經冇晒信心...
最後嘅一份，雖熟但難以咬開，有幾塊都係未夠熟，要吐出嚟...
結果我哋用多咗9個字以上用餐，除咗口頭道歉並無得到任何賠償。我哋唔係貪咩嘢，而係我哋願意坐喺度等，唔係拍枱走人，係因為尊重廚師，想比多次機會。結果你哋令我哋再次失望，仲花咗咁多時間喺度呆等。嗰份餐打折，甚或免費，絕非無理。唔少更細更低檔次嘅餐廳出錯都會減費或者送份小食，用實力比返信心客人。
希望店方好好改善食品質素，最基本係食唔死人，然後對店員嘅培訓都可以更好...
萬個新客人，不及一個回頭客...
張貼
