榮少喇沙 (已結業)

哩間喇沙係位於大商場既小店。除咗喇沙湯底，仲有其他湯底選擇。我就食主打既喇沙湯底，椰香味濃，仲有少少辣味，好惹味😋麵有得揀油麵加米粉，咁先夠正宗👍🏽🥢小食拼盤：有鳳尾蝦、蝦餅、炸雞翼。炸雞翼勁好食，即炸即食，外脆內軟，個皮有牛油味～完全想食多幾隻🤩越南春卷同蝦餅真係好一般，唔食都無問題。🥢海鮮喇沙：海鮮分特有鳳尾蝦、帶子、魚片，全部都分量十足，唔會係細細粒，價錢唔貴，真係性價比好高。🥢豬軟骨喇沙：豬軟骨夠淋，又入味，唔係度度都食到，都可以試下～