牛壹台食 (已結業)

一陣仲要開會，都要食左飯先得，就係灣仔附近搵野食，面對軒尼詩道，呢間牛壹台食係台灣麵都好喎！好彩時間尚早，啱啱好有位。好，坐低睇下有咩好食先。招牌紅燒牛腱心牛肉麵，個湯底都幾濃郁，有牛味，牛腱心牛肉好厚肉但都好軟腍，中間隔住啲脂肪和軟筋，食落口感豐富。揀左鮮製幼麵，食落爽口彈滑，又索到湯味，而且份量都唔少，幾抵食。金鳳梨綠茶加珍珠，夏天熱辣辣，呢個飲品好清爽，少少甜，綠茶又清香，加左珍珠有得咬咬下。