靠得住粥麵小館 (Citylink)

營業中

休息中

每日遲起身，喺屋企食咗個大早餐，所以冇食晏！出街行行吓同朋友肚餓就坐低食啲嘢！呢期天氣凍勁想食粥，而且好想食厚豬膶🤗🤗🥰🥰即刻諗到靠得住去食😚😚嗌咗兩個粥跟餐，一個配白灼芥蘭，一個配白灼豬腰豬膶一如以往朋友都會覺得主要醒，有時醒到連我都頂唔順，今次我又覺得OK朋友嗌咗牛肉粥，我嗌咗豬什粥，呢間嘅豬什粥做得比馬鞍山嗰間好味牛肉粥嘅粥底比較綿🥰味道主要係白米嘅味道朋友就鍾意豬什粥嘅粥底，因為有好多豬雜嘅精華比較有味道我自己就覺得各有千秋！今次呢度嘅豬腸好好味好有口感，唔似上次食嘅腍啤啤冇咩口感