Wheatfield X 羅宋湯專門店 (MOKO新世紀廣場) (已結業)

之前行MOKO時，見到圍哂板裝修中，準備開羅宋湯轉門店，果陣已經好期待。今日再行MOKO，已經見到開張咗，當然要入去幫襯啦。廚師推介套餐 $88我選擇咗海派牛腩羅宋湯、香煎薄牛扒脆豬仔包、再+$3 要咗杯凍檸茶。羅宋湯好足料、牛腩又好多。羅宋湯味道超好，餐牌雖然有一隻辣椒提示，但一啲麵唔會覺得辣。香煎薄牛扒脆豬仔包，脆豬仔包好厚身，一口都咬唔哂。薄牛扒煎到好香、牛扒都好有牛肉味，又夠腍又無根，非常之正。令我突然間好掛住澳門添。全日自選配搭湯麵套餐 $82我選擇咗海派豬髀肉羅宋湯、上海麵、麻辣雞柳絲，再要咗杯熱檸茶。豬髀肉羅宋湯同牛腩羅宋湯味道上有分別。豬髀肉羅宋湯食得出肉味無咁強烈，適合淡口味人仕。豬髀肉好大塊，而且數量都幾多。上海麵蔥油味好香好正，但要自己花少少時間撈混。上海麵配搭埋麻辣雞柳絲，辣味與上海麵非常配搭，令整體變得更加惹味。