泰太廚房

營業中

休息中

「泰太廚房」是位於大美督大美督村的泰國菜餐廳。在大埔富亨邨有巴士和小巴可以直達，或者揸車入嚟都非常方便，因為餐廳提供了泊車嘅位置。餐廳門口，大大個招牌，五顏六色嘅燈，遠遠就望到。餐廳內有一架泰國的篤篤供顧客打卡。餐廳的室內座位，裝修很泰式之餘，地方又闊落。天氣涼涼哋，我選擇了餐廳的戶外座位。陶瓷咖喱軟殼蟹 $178咖喱汁加入香葉，少少辣椒，再加上軟殼蟹，香濃嘅咖喱味 ，但也不會搶去軟殼蟹嘅鮮味。軟殼蟹大大件，外脆內軟，而且還加入茄子，軟腍腍嘅茄子，吸了咖喱汁的味道，非常惹味。新鮮菠蘿海鮮炒飯 $148炒飯乾身，粒粒均勻；新鮮菠蘿，酸酸甜甜；海鮮新鮮有鮮味；炒飯加入豬肉鬆和腰果，香口之餘，味道層次感豐富。泰式皮蛋炸蝦餅 $148蝦餅外皮脆脆，蝦味濃濃，加埋皮蛋嘅獨特味道，簡直係衝擊味蕾。炭燒沙嗲雞肉/豬肉串燒半打 $128一入到餐廳，就聞到香香嘅串燒味，所以二話不說，第一樣叫嘅就係串燒雞肉和豬肉，肉質軟腍腍，沙嗲醬香濃，真係好好味道。