湘雲軒

營業中

休息中

放咗工突然想食下雞煲，所以喺屯門西鐵站落車行5分鐘就搵到依家川菜餐廳！聽聞呢間係新開既餐廳，所以好奇試一試！望到menu諗咗成15分鐘都未諗到order食咩，因為實在太多選擇，有炒菜、炒麵炒麵，亦都有雞煲、酸菜魚，最後店員推介我哋食招牌麻辣雞煲同埋酸菜魚鍋，咁我哋就試吓啦！真的沒有令我地失望，我比較喜歡麻辣雞煲，唔食得辣嘅朋友仔可以好似我咁同店員講小辣，唔食得辣嘅朋友都接受得到！個雞煲嚟到已經香噴噴！食落香口到不得了🍴😍酸菜魚鍋條魚係非常之大條！🐟🐟🐟極之厚肉一路滾住啲骨又唔會鬆開😍飲品亦非常之大杯✌🏼另外，店舖寬敞乾淨整齊，啲枱係大大張坐得非常之舒服！同朋友喺度坐成兩粒鐘傾計都唔會俾人趕住走！因為地方大枱又多，可以同朋友慢慢傾偈都得☺️店員又好有耐性解答我地問題，又唔會食完趕住我地走！喜歡食酸菜魚雞煲嘅朋友可以嚟試吓，啲嘢食大碟到最後食唔晒要打包🙈