影片
更多
2008-10-21
38 瀏覽
尋晚同一個識咗十幾年嘅姊妹補祝生日食晚飯....其實上個禮拜都已經諗定去Jordon食串燒，點知今日打去訂位先知間嘢呢期逢星期一休息，所以就改變主意去三木食韓國嘢。大概七點左右去到，仲有好多位，帶位小姐俾咗張卡位枱我哋，好寛膛，而且餐廳裝修都好新淨整潔，燈光柔和，感覺都幾舒服。餐牌種類都好多，因為姊妹唔想食燒烤，所以是晚就點咗如下餸菜:1. 韓式生牛肉 - 牛肉鮮甜配上清甜無比雪梨絲同新鮮生蒜，簡直天衣無縫，而且全晚碟餸都冇出水，唔知點先可以有咁嘅效果呢。2. 炆牛肋骨 - 個汁又香又濃，尤其個炆到入晒味嘅蘿蔔同紅蘿蔔真係冇得頂，主角牛肋骨更加不在話下，又淋又入味，但牛味依然香濃，不過略嫌太大舊。3. 八爪魚腳麵 - 呢個係成晚最精彩嘅一味，濃濃韓式辣醬，大量洋蔥同雞脾菇片，配上煙靭彈牙嘅拉麵，仲有一啲都唔靭同好新鮮嘅八爪魚蘇段，簡直不能用筆墨形容，只係知道食到我同姊妹都食到舐舐脷同唔停得口，真係二十級好味...當中梗係唔少得嘅八小碟啦，一貫水準，不過個泡菜好似酸得泄，姊妹話因為唔新鲜喎，其他都OK啦。我哋另外再叫咗一支盆X子酒，好似係用一種叫紅盆子嘅紅梅釀製，都幾好飲，顏色紅紅的，好
餐牌種類都好多，因為姊妹唔想食燒烤，所以是晚就點咗如下餸菜:
1. 韓式生牛肉 - 牛肉鮮甜配上清甜無比雪梨絲同新鮮生蒜，簡直天衣無縫，而且全晚碟餸都冇出水，唔知點先可以有咁嘅效果呢。
2. 炆牛肋骨 - 個汁又香又濃，尤其個炆到入晒味嘅蘿蔔同紅蘿蔔真係冇得頂，主角牛肋骨更加不在話下，又淋又入味，但牛味依然香濃，不過略嫌太大舊。
3. 八爪魚腳麵 - 呢個係成晚最精彩嘅一味，濃濃韓式辣醬，大量洋蔥同雞脾菇片，配上煙靭彈牙嘅拉麵，仲有一啲都唔靭同好新鮮嘅八爪魚蘇段，簡直不能用筆墨形容，只係知道食到我同姊妹都食到舐舐脷同唔停得口，真係二十級好味...
當中梗係唔少得嘅八小碟啦，一貫水準，不過個泡菜好似酸得泄，姊妹話因為唔新鲜喎，其他都OK啦。
我哋另外再叫咗一支盆X子酒，好似係用一種叫紅盆子嘅紅梅釀製，都幾好飲，顏色紅紅的，好靚，尤其啱女仔飲，因為都真係好甜吓，我個人比較唔好甜，所以再叫多一支檸檬溝真露，呢個啱晒我口味，酸酸哋好開胃。
而服務方面就不過不失啦，冇熱誠嘅招待，好似冇 人理你咁囉，未至於差嘅~~~
張貼
