河夢

營業中

休息中

已經多次幫襯，本身唔係住沙田區，但係服務同埋味道都係好有水準的。每次必食安格斯牛肉河，好重牛味，如果你自問係牛肉 fans，必食菜式之一。飛天通菜，好好味，但會越食越咸，所以要食快啲先處理好佢😂海南雞，基本上我哋每一次都會叫半隻，每次嘅水準都好平均，雞肉嫩滑，同醬汁亦都好配合。咖喱🦀⋯⋯我好少出街食海鮮，因為怕麻煩。但經理極力推介，話係越南入口，所以我就叫左試吓。的確超級好味，本來想叫份蒜蓉包點汁食，但係我哋兩個人怕食唔哂。最後，甜品係必食的，呢度嘅芒果糯米飯，我每一次都會叫，咁樣先至係一餐完美嘅晚飯。