Little Break Coffee & Kitchen (已結業)

上次係度食左個煙三文魚碎蛋牛油果三文治($89)。煙三文魚係切碎晒撈埋喺嗰啲碎蛋同埋牛油果入面，我覺得比起成塊煙三文魚咁樣食味道更平均。三文治嘅包係麥包，甜甜地，齋食包都覺得好好食，真係食完一排都仲係回味無窮好想再食！另外嘢飲就叫咗rose latte。講真呢個拉花真係我食咁多間Cafe最靚嘅，加上擺咗少少碎花喺面，賣相真係一流！飲落味道亦非常好飲。環境方面我就覺得無Cafe嗰種寧靜，有少少似餐廳，但係都係舒服嘅。