阿來泰式地道風味 (已結業)

早兩日我個泰國朋友嚟香港玩，我當然要盡地主之誼，帶他又買又食，亦會帶朋友嘗試各種不同 風味菜式，但始終他都會懷念家鄉食物，我梗係唔會失禮朋友啦，昨晚我就帶他到一間正宗泰式地道風味菜館，等朋友好好懷念自家嘅家鄉菜，坐下想點菜時，朋友反而會介紹我嘗試泰國菜嘅精髓，以下都是朋友欽點的菜式。泰式臭草粉絲炒蛋 個名雖然話係臭草，但係泰式嘅 臭草零舍清香，粉絲爽滑彈牙，自家製醬汁將粉絲煮得非常入味，一梳梳，滑捋捋，配上炒蛋嫩滑非常，正宗泰國雞蛋夠香濃，大廚將一個看似簡單的餸菜煮得非同凡響。泰式鐵板蠔仔蛋 揀選每顆渾圓鮮甜蠔仔，鮮味無窮，用鐵板器皿嚟烹調，味道確勝一籌，雞蛋幼嫩夠香濃，火路控制得又出色。燒豬頸肉整碟色澤金黃豬頸肉，燒得香噴噴，面層有脆口感，肉汁還保留得豐盛，肉味夠濃甜，肥瘦層次均勻分明。朋友都話簡單嘅菜式 就更會突顯廚師功力，朋友都讚 呢間餐廳誇啦啦。