香辣鮮

營業中

休息中

今次生日飯朋友竟然book左長沙灣食雞煲！因為自己唔係好食得辣嘅情況下，間餐廳竟然出現咗一個叫做奇味雞煲！詢問店員後佢解釋咗原來係唔辣嘅雞煲！即係食唔到辣嘅你都可以去試下㗎！裝修真係比較古代風，尤其是入面有個位置係有個古式風味嘅屋頂😎都幾有玩味㗎！位置都好闊落，餐廳亦都唔難搵到！接近長沙灣a出口交界，一直行大概10分鐘左右就到！講返呢個奇味雞煲先！雞件分量適中！醬汁味道夠曬香濃配料亦都唔少大大粒蒜頭，洋蔥，京蔥再配上香蔥爆炒，味道非常出眾！然後再叫咗個小食！麻辣豬肚絲，怕辣嘅自己唔係太食得辣選擇咗小辣！麻辣豬肚絲配上乾炸嘅黃豆非常配襯！黃豆爆香嘅感覺出曬嚟！再配上新鮮嘅豬肚搭上微辣嘅醬汁！令人覺得開胃又滿足！呢間舖叫做香辣鮮”地址係青山道456號地鋪就見到㗎喇！快啲一齊嚟試下佢好好食嘅雞煲啦😎