星月樓

營業中

休息中

日期：9月21日人數：5人話說一直都係去開上環嗰間星月樓。屋企人平日幾乎每朝都去飲茶。由於就喺地鐵站出口附近，加上點心唔錯，一直都係佢嘅首選。今次係因為相約住喺長沙灣嘅親戚食晚飯，所以為咗遷就佢哋，就揀咗嚟長沙灣依間星月樓食。屋企人之前以優惠價錢買咗乳豬券，今餐亦有使用。五個人好誇張咁樣用咗兩張乳豬券，另外點左杏汁菜膽豬肺湯，一條清蒸大沙巴龍躉，同埋一碟鮮淮山浸菜苗。重點真係豬肺湯，好好飲好療癒，實屬必點。煲湯嘅豬肺撈出嚟之後，點少少豉油就已經好好食。屋企人食埋雞腳同埋菜膽。我哋上年都有去星月樓食飯，亦都有點乳豬，我哋一致覺得今年嘅乳豬比較瘦，但皮脆肉多，亦都燒得好食。最後大家都只係食剩幾舊，連埋兩個豬頭一齊打包。沙巴龍躉新鮮，味道都幾好，稍為有啲過熟，但蒸魚本身就已經好好食，豉油汁好餸得飯，俾多啲蔥就更加好。淮山同菜苗比較林，適合老人家。環境方面，整體感覺同其他酒樓差唔多，裝咗好多電視機。地方比較大，可以擺唔同宴會，亦有幾個包房，房入面好似有卡拉OK。服務不過不失，當晚冇糖水送。價錢都係一般酒樓晚飯價，唔算貴。